സുഖമുള്ള ആദ്യ നോവിന്റെ
അനുഭൂതി മായും മുൻപ്
പുളി മാങ്ങക്കായി നീ കൊതിച്ചതും
പുളിയൻ ഉറുമ്പിനെ വെല്ലുവിളിച്ചു ഞാൻ
കണ്ണി ഇറുത്തു ഒരു കുല മാങ്ങയുമായ് വന്നതും
പിന്നെ നിൻ വയറിൽ ചെവി ചേർത്ത്
അച്ഛാ ..എന്ന വിളിക്കായ് മറുവിളി കേട്ടതും..
ലേബർ റൂമിന്റെ വരാന്തയിൽ ഉലാത്തുമ്പോൾ
വിരൽ നഖം തിന്നു വിശപ്പ് തീർത്തതും
ഒടുവിൽ ആ കരച്ചിലിൽ ഹൃദയം
നിറഞ്ഞു ചിരിക്കുമ്പോഴും
നിന്നെ കാണാനായി കണ്ണുകൾ അക്ഷമനായതും...
ഒടുവിൽ ഒരു വിജിഗീഷുവായി
ഭൂമിയിലെ മാലാഖാമാർക്കൊപ്പം
ചക്ര കട്ടിലിൽ നീ വന്നു പുഞ്ചിരിച്ചപ്പോൾ
ഞാൻ തന്ന ചുംബനമാവും നിനക്ക് കിട്ടിയതിൽ
ഏറ്റവും മികച്ച സമ്മാനം....