സദാചാരം എന്ന ദുരാചാരത്തിന്റെ കാവൽക്കാർ എന്ന് സ്വയം നിയമിതരാവുന്ന മാന്യ ദേഹങ്ങളുടെ മുഖം മൂടി വലിച്ചു കീറിയാൽ കാണുന്ന കാപട്യത്തെ വെളിച്ചത്തു കൊണ്ടുവരേണ്ടത് ഈ ഒരു കാലഘട്ടത്തിൽ അനിവാര്യമാണ്. സദാചാര ദൗത്യത്തിന്റെ മറവിൽ സ്വാര്ഥതയെ സ്വായത്തമാക്കുന്ന കാപട്യത്തെ ഉന്മൂലനം ചെയ്യുക എന്ന കർത്തവ്യം അത്യന്താപേക്ഷിതമായിരിക്കയാണ്. ഞാനെന്ന അഹംഭാവത്തിന്റെ മൂർത്തീഭാവങ്ങളായ ഇവർ സദാചാരത്തിന്റെ തണലിൽ സ്വൈര്യ വിഹാരം നടത്തുന്നത് ഇന്നത്തെ പൈശാചികതക്ക് വീണ്ടും ആഴമേകുന്നു . സാംസ്‌കാരിക പൈതൃകം കാത്തുസൂക്ഷിക്കുന്ന നമ്മുടെ നാടിന് ഈ സദാചാരഭടൻമാരുടെ സേവനം ആവശ്യമോ എന്നത് ഒരു ചോദ്യചിഹ്നമായി ഉയർന്നു നിൽക്കുന്നു ...ഈ പ്രവണതയുടെ വിരാമത്തിനായി ആശ്രാന്തപരിശ്രമം നടത്താൻ കൈകോർക്കാൻ സമയമായെന്ന സത്യം നാം ഉൾക്കൊണ്ടേ മതിയാകൂ...