പേ ഇളകിയ ചങ്ങലക്കൂട്ടുകളും
വാതം പിടിച്ച കുറുന്തോട്ടിയും
തൂവൽ നഷ്ട്ടപെട്ട ചിറകുകളും
കാഴ്ച മങ്ങിയ എന്റെ കണ്ണുകൾക്ക്
കൂട്ടായി നിന്നിരുന്നു ...
അകലെ വിരിയും മാരിവില്ലിൽ
ഊഞ്ഞാലാടാൻ ഞാൻ കൊതിച്ചില്ല ..
വെള്ള കുതിരകളെ പൂട്ടിയ മേഘതേരിൽ
ഉലകം ചുറ്റാനും ഞാൻ കൊതിച്ചില്ല
കുയിലിന്റെ പാട്ട്  കേൾക്കണമായിരുന്നു ...
തുമ്പിയുടെ കൊഞ്ചലും ശലഭത്തിൻ വർണ്ണവും
എനിക്ക് കണ്ടാസ്വദിക്കണമായിരുന്നു ...
മുളം തണ്ടിനെ കാറ്റ് തലോടുമ്പോൾ ഉതിരും
നിശ്വാസം എന്റെ ചെവികളിൽ ഇമ്പം പകർന്നിരുന്നു ..
ഇന്ന് എന്റെ സ്വപ്നത്തിൻ ചീട്ടുകൊട്ടാരം
ഒരു ചെറു ഊതേറ്റാൽ തറപറ്റുമെന്നറിഞ്ഞിട്ടും
ഞാനെൻറെ സ്വപ്നത്തെ നെഞ്ചോടു ചേർക്കട്ടെ...

---സുധി ഇരുവള്ളൂർ ---