തലനാരിഴ ചീന്തി പരിശോധിച്ചിട്ടും
വസ്തുനിഷ്ടമായി മൂല്യനിർണയം നടത്തിയിട്ടും
നമുക്കിടയിലുള്ള തെറ്റും ശരിയും ഒളിഞ്ഞു തന്നെ ഇരുന്നു...
താഴ്ച വീഴ്ചയെന്ന മിഥ്യാബോധം ഇരു മനസ്സിലും..
എന്നെ ജയിക്കാൻ നീയും നിന്നെ ജയിക്കാൻ ഞാനും,
മത്സരങ്ങൾ പുരോഗമിക്കും തോറും -
എന്നിലെ നീയും നിന്നിലെ ഞാനും അകലുകയായിരുന്നു...
ഇന്ന് നമുക്കിടയിൽ നാം തീർത്ത മൗനത്തിന്റെ മതിൽകെട്ടിൽ
പച്ചില പൂപ്പ് തളിർത്തിരിക്കുന്നു...
ഇനി ഒരു വാക്കിന്റെ മാധുര്യത്താൽ തീർക്കാനാകുമോ
നമുക്കിടയിലെ മൗന യുദ്‌ധം ???...
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ