നിനക്കും എനിക്കും ഇടയിൽ
മൗനത്തിന്റെ മതിൽ ഉണ്ടായിരുന്നു...
ഞാൻ കേൾക്കാൻ കൊതിച്ചതും
നീ പറയാൻ മടിച്ചതും
ആ മതിലിൽ തട്ടി നിന്നുപോയി...
ഒരു ചേമ്പില തണ്ടിൻ കുടയിൽ
മഴത്തുള്ളി വീണു ചിതറിയ നാൾ നിന്റെ
കുപ്പി വള പൊട്ടി ചിരിച്ചിരുന്നു,..
വയൽ വരമ്പത്തെ മുക്കുറ്റി പെണ്ണന്ന്‌
വലതു കയ്യാലെ മുഖം മറച്ചു...
ഇന്നാ പാടവരമ്പിലെ പിശറൻ കാറ്റിനും
ഒരു വിരഹ സ്വനം...
നീ കാത്തു വെച്ച മൗനത്തിൻ മതിൽ
തകർക്കാൻ എന്റെ മനുഷ്യത്വം
ശ്രമിക്കാത്തതാണ് ഇന്നെന്റെ പരാജയം.
== സുധി ഇരുവള്ളൂർ ==
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ