ഇനി എനിക്കൊന്ന് മയങ്ങണം ...
ഇന്നിന്റെ കാപട്യം അറിയാതെ ..
ഞാനെന്റെ കല്ലറ പ്രാപിക്കും മുൻപേ
ചുറ്റും ആയിരം തുമ്പ നട്ടു പിടിപ്പിച്ചു ..
നീണ്ടു നിവർന്നു കിടക്കും മയക്കത്തിലും
ഇളം കണ്ഠത്തിൽനിന്നുതിരും പൂവിളിയോടെ
തുമ്പപൂ ഇരിക്കുന്ന കുസൃതികളെ കാണണമായിരുന്നു ..
പിന്നെ ഞാനറിഞ്ഞു ഇന്നത്തെ കുഞ്ഞിളം കൈകൾ
തുമ്പപ്പൂ ഇറുക്കാനെത്തില്ലെന്ന് ..
പിന്നെ ഞാനിന്റെ തുമ്പപ്പൂവിന്റെ സംരക്ഷണം
കട്ടുറുമ്പിനെ ഏൽപ്പിച്ചു ..
തുമ്പപ്പൂവിന്റെ സൗന്ദര്യം കവരാനെത്തും
കാപട്യത്തിൻ ബലിഷ്ഠമാം കൈകളിൽ
ചെറുതായെങ്കിലും ഒന്ന് കുത്തി നോവിക്കാനായ്...
ഇനി ഞാൻ മയങ്ങട്ടെ...എന്റെ സ്വപ്നങ്ങളെ ഉപേക്ഷിച്ചു ...