സൂചികൊണ്ട് എടുക്കേണ്ടത് തൂമ്പാ കൊണ്ട് എടുക്കുന്ന ഞാനടക്കമുള്ള വിവേകശാലികളുടെ സമൂഹം. വാശി നാശത്തിനാണെന്ന് അറിഞ്ഞിട്ടും പിടിവാശി കൈവിടാതെ മുറുക്കി പിടിക്കുന്ന ദുരഭിമാനികളായ സത്ഗുണ സമ്പന്നർ... ചെയ്യുന്നതെന്തും ശരിയെന്നു ശഠിക്കുന്നവർ. അഹം എന്ന ഭാവത്തിന്റെ മൂർത്തീഭാവങ്ങൾ... താൻ മാത്രം ശരി എന്ന് കരുതി മറ്റുള്ളവർക്കെതിരെ പരിഹാസ ശരമെയ്യുന്ന വില്ലാളിവീരന്മാർ. തന്നാൽ കഴിയില്ലെങ്കിലും മറ്റുള്ളവരെ കളിയാക്കി കുറ്റം പറയുന്നവർ ... ഇന്ന് എനിക്ക് വിശ്രമം തരൂ ... ഇന്ന് എന്റെയും മറ്റുള്ളവരുടെ കുറ്റങ്ങൾ നിങ്ങൾ കണ്ടെത്തി പരിഹസിക്കു, നാളെ ഞാനും കൂടാം മറ്റുള്ളവരെയും നിങ്ങളെയും കുറ്റം പറഞ്ഞു പരിഹസിക്കാൻ ...