വേഷ പ്രച്ഛന്നനായി ഞാൻ
നിൻ കിളിവാതിലണഞ്ഞിട്ടും
അറിഞ്ഞതില്ല നീയെന്നെ ...
നിന്റെ കൂട്ടിനകം പൂകി
മുട്ടയിട്ടട കിടക്കണം
നമുക്കായി കൂടൊരുക്കാൻ
മടിയില്ല പക്ഷെ
പൂർവ്വികർ നമുക്കായ്
തെളിച്ച വഴിയിൽ
ഞാൻ മടിയൻ കുയിലും
നീ കൗശല കാക്കയും...
ഇനി നീ കൂടിൻ കിളിവാതിൽ
തുറന്ന് വേഷപ്രച്ഛന്നനാം
എന്നെ  അകത്തേക്ക് നയിക്കുക...
കുയിലും കാക്കയും ഇണചേർന്ന്
ഒരു കാക്കകുയിലിന് പിറവിയെകാം ...

ശുഭദിനം ....