കെട്ടിയാടാൻ ഇനിയും വേഷങ്ങൾ ബാക്കി
കാലം രംഗബോധമില്ലാത്ത കോമാളിയാവുന്നു ...
അരയിൽ കെട്ടിയ കുരുക്കിന്റെ-
മറുതല ആരുടെ കൈകളിലാണെന്നറിയില്ല 
ചുടുചോറ് വാരി ഉള്ളം കൈ പൊള്ളിയിട്ടും
ചാടി കളിയ്ക്കാൻ വിധിക്കപ്പെട്ടവർ നമ്മൾ...
ദൂരമിനിയുമേറെ താണ്ടാനുണ്ടെങ്കിലും
തോളിലെ മാറാപ്പിന്റെ ഭാരം തളർത്തുന്നു ...
ഇനി വയ്യ, ഞാനെന്റെ പ്രയാണം ഇവിടെ നിർത്തുന്നു ...
നിങ്ങൾ തുടരുക ...ലക്ഷ്യത്തിലേക്കുള്ള യാത്ര ..