എന്റെ പ്രണയം ചുവന്നത്
നിന്റെ കയ്യിലെ കൊടി കണ്ട ദിനമാണ് ...
എന്റെ സംരക്ഷണം നിന്നിൽ സുരക്ഷിതമെന്ന് -
ഞാനറിഞ്ഞത് നിന്റെ വാക്കിലെ തീക്കനലിനാലാണ് ...
അതെ സഖാവേ ...ഞാൻ നിന്റെ സഖിയിന്ന് ...
ഹൃദയതാളിൽ പീലി ഒളിക്കാതെ
ചോരയിൽ നീ തീർത്ത വാക്കുകൾ
സൂക്ഷിച്ചു ഞാനും സഖാവിന്റെ
തോളോട് തോളിന്ന് ...
അതെ സഖാവേ ...ഞാൻ നിന്റെ സഖിയിന്ന് ....
മുന്നേ നടന്നവർ പാതിയിൽ വെച്ചവ
പിന്നിൽ വരും നമ്മൾ ചെയ്തു തീർക്കേണ്ടവ ...
ഒരു ചെമ്പനീർ പൂവിനെ കാക്കുന്ന മുള്ളുപോൽ
ചാരെ നീയുള്ളപ്പോൾ ഞാനെന്തിന് ഭയക്കണം ...
അതെ സഖാവേ ...ഞാൻ നിന്റെ സഖിയിന്ന് ....
--സുധി ഇരുവള്ളൂർ--
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ