നീയും ഞാനും ഒരിലയുടെ രണ്ടു വശങ്ങൾ
ഒരു ഹൃദയമിടിപ്പിൻ അരികിലുണ്ടായിട്ടും
പരസ്പരം കാണാതെ തീരുന്ന ആയുസ്സിനുടമകൾ.
എന്റെ വരികൾക്കിടയിൽ ഞാൻ നിന്നെ ഒളിച്ചുവച്ചു
നിന്റെ പുഞ്ചിരിക്കുള്ളിൽ ഞാൻ ഒളിച്ചിരുന്നു
പൊരിവെയിലും പേമാരിയും
നിന്നെ തളർത്താതിരിക്കാൻ ഞാനിലയുടെ മേൽഭാഗമായി
ഇനി ഒരു കാറ്റേറ്റ് നാമിരുവരും ഞെട്ടറ്റു വീഴും നാൾ
തിരിഞ്ഞു മറഞ്ഞു ഞാനാദ്യം ഭൂമിയെ സ്പർശിക്കും 
ഞെട്ടറ്റതെങ്കിലും നിനക്ക് നോവാതിരിക്കാൻ...