കൈവിട്ടു കളയാൻ കാലം
പറയില്ലെന്ന് മനം പറഞ്ഞപ്പോൾ ...
ഏകാന്തതയിൽ എനിക്ക് കൂട്ടായി
നിന്റെ ഓർമകളെ നീ സമ്മാനിച്ചപ്പോൾ ...
എന്റെ സ്വപ്നങ്ങളുടെ ചിറകുകൾക്ക്
നീ വർണ തൂവലുകൾ തുന്നിതന്നപ്പോൾ ...
ഒരു മേഘത്തേരിലേറി എന്റെ മോഹത്തിന്റെ
മഞ്ഞിൻ പുതപ്പിനുള്ളിൽ നീ ശയിച്ചപ്പോൾ ...
നിന്റെ കണ്ണിൻ ആഴങ്ങളിൽ
ഞാൻ എന്നെ തേടിയപ്പോൾ ...
നിന്റെ നേർത്ത മർമ്മരം എന്റെ
എന്റെ അധരം ഏറ്റെടുത്തപ്പോൾ ...
നിന്നെ ഞാൻ എന്നിലെ എന്നേക്കാൾ
സ്നേഹിക്കയായിരുന്നു സഖീ ....