ബന്ധുക്കളാരെങ്കിലും വെട്ടിയ
ഒരു മുഴുനീള വാഴയിലയിൽ
നിവർന്നു കിടക്കണമെനിക്ക് ..
അരികിൽ നെഞ്ചത്തടിച്ചു
കരയുന്ന പ്രിയരുടെ അകമ്പടി വേണം ..
വിശപ്പും ദാഹവുമാകറ്റാൻ
വായ്ക്കരിയും നീരും തരണം ...
തെക്കേ പറമ്പിൽ മാവ് കണ്ടെന്നു വരില്ല-
ഗ്യാസാണ് പോലും ഇപ്പോഴത്തെ ട്രെൻഡ് ...
ചിതയൊരുക്കി ശേഷക്രിയ ചെയ്യുമ്പോൾ
ഇണതോർത്തിൻ അറ്റം മുറിക്കുമ്പോൾ
അവന്റെ കൈ വിറക്കുന്നെങ്കിൽ
ഒരു താങ്ങു നൽകണം ...
അവൻ കുട്ടിയല്ലേ ....